மத்திய காசாவின் பாடசாலை மீது குண்டு தாக்குதல் – 19 பேர் பலி

மத்திய காசா பகுதியின் நுசைரத் அகதிகள் முகாமில் இடம்பெயர்ந்தவர்கள் வசிக்கும் பாடசாலை மீது இஸ்ரேல் நேற்று (13) பீரங்கி குண்டு(ஷெல்) வீசித் தாக்குதல் நடத்தியதில் 19 பேர் உயிரிழந்துள்ளனர்.

மேலும் காயமடைந்த 80 குழந்தைகள் மற்றும் பெண்களை மீட்டு மத்திய காஸாவில் உள்ள வைத்தியசாலைகளுக்கு கொண்டு சென்றுள்ளனர்.

இதனிடையே நேற்று வடக்கு காஸாவின் அல்-ஷாதி முகாமின் மேற்கில் இஸ்ரேலிய இராணுவத்தால் ஐந்து குழந்தைகள் கொல்லப்பட்டதாக பாலஸ்தீனிய அதிகாரப்பூர்வ செய்தி நிறுவனம் தெரிவித்துள்ளது.

இந்த தாக்குதல்கள் குறித்து இஸ்ரேல் இராணுவம் இதுவரை எந்த கருத்தும் தெரிவிக்கவில்லை. இதுவரை 42,227 பாலஸ்தீனர்கள் கொல்லப்பட்டுள்ளனர் என்பது குறிப்பிடத்தக்கது.