பள்ளத்தில் கவிழ்ந்த முச்சக்கர வண்டி ; 3 பேர் பலத்த காயம்
கொத்மலை பொலிஸ் பிரிவுக்குட்பட்ட லபுக்கலை தேயிலை தொழிற்சாலைக்கு அருகில் நேற்று (18) மாலை 5.00 மணியளவில் இடம்பெற்ற முச்சக்கர வண்டி விபத்தில் சாரதி உட்பட முச்சக்கர வண்டியில் பயணித்த மூவர் பலத்த காயங்களுக்கு உள்ளாகியுள்ளனர்.
கொழும்பிலிருந்து நானு ஓயா எடிம்பரோ தோட்டத்தை நோக்கி பயணித்த முச்சக்கர வண்டி கண்டி – நுவரெலியா வீதியில் லபுக்கலை தோட்ட தொழிற்சாலைக்கு அருகில் பிரதான வீதியை விட்டு விலகி சுமார் 50 அடி பள்ளத்தில் தேயிலை தோட்டத்தில் வீழ்ந்து விபத்துக்கு உள்ளாக்கியுள்ளது.
இந்த விபத்தில் சிக்கி பலத்த காயமடைந்த சாரதி உட்பட மூவரை பொதுமக்கள் காப்பாற்றி நுவரெலியா மாவட்ட வைத்தியசாலைக்கு கொண்டு சென்றமை குறிப்பிடத்தக்கது.
அதேநேரத்தில் விபத்து தொடர்பான விசாரணையை கொத்மலை பொலிஸார் மேற்கொண்டு வருகின்றனர். முச்சக்கர வண்டியில் ஏற்பட்ட கோளாரு காரணமாக விபத்து சம்பவித்ததாக சம்பவத்தில் காயமடைந்த சாரதி தெரிவித்தார்.
