மேற்கிந்திய தீவுகளுக்கு எதிரான இரண்டாவது போட்டியில் இலங்கை அணி வெற்றி
மேற்கிந்திய தீவுகள் அணியுடனான இரண்டாவது ரி20 சர்வதேச போட்டியில் இலங்கை அணி 73 ஓட்டங்கள் வித்தியாசத்தில் வெற்றி பெற்று தொடரை சமநிலைப்படுத்தி உள்ளது.
முதல் போட்டியில் மே.இ தீவுகள அணி வெற்றி பெற்றிருந்த நிலையில் இரண்டாவது போட்டி நேற்று (15) தம்புள்ளையில் நடைபெற்றது.
போட்டியில் நாணய சுழற்சியில் வெற்றி பெற்று முதலில் துடுப்பாடிய இலங்கை 20 ஓவர்கள் நிறைவில் 5 விக்கெட் இழப்பிற்கு 162 ஓட்டங்களை பெற்றது. 162 என்ற வெற்றி இலக்கை நோக்கி பதிலுக்கு ஆடிய மே.இ.தீவுகள் அணி 16.1 ஓவர்களில் சகல விக்கெட்களையும் இழந்து 89 ஓட்டங்களை மாத்திரம் பெற்றது.
இதன் அடிப்படையில் 73 ஓட்டங்கள் வித்தியாசத்தில் இலங்கை அணி தொடரை சமநிலைப்படுத்தியது. மூன்று போட்டிகள் கொண்ட தொடரின் வெற்றியாளரை தீர்மானிக்கும் மூன்றாவது போட்டி நாளை (17) இதே மைதானத்தில் நடைபெறவுள்ளது.
