விண்வெளியில் இருந்து தீபாவளி வாழ்த்து கூறிய சுனிதா வில்லியம்ஸ் !
பூமிக்கு அப்பால் விண்வெளியில் சுமார் 260 மைல் தொலைவிலிருந்து இருந்தவாறு பெண் விஞ்ஞானி சுனிதா வில்லியம்ஸ் தீபாவளி வாழ்த்து தெரிவித்து மகிழ்ச்சியை வெளிப்படுத்தியுள்ளார்.
பூமிக்கு வெளியில் இருந்தவாறு தீபாவளி கொண்டாட்டங்களைக் கண்டுகளிக்கவிருப்பது குறிப்பிடத்தக்க அனுபவமாக இருக்கும் என்று சா்வதேச விண்வெளி நிலையத்தில் இருந்தவாறே விஞ்ஞானி சுனிதா உற்சாகத்துடன் தெரிவித்துள்ளார்.
கடந்த ஐந்து மாதங்களாக சா்வதேச விண்வெளி நிலையத்தில் இருக்கும் இந்திய வம்சாவளியைச் சோ்ந்த அமெரிக்க விண்வெளி வீராங்கனை சுனிதா வில்லியம்ஸ் விண்வெளியில் இருந்தபடியே, அமெரிக்க ஜனாதிபதித் தோ்தலிலும் வாக்களித்துள்ளார்.
இந்த நிலையில், அவர் வெளியிட்டுள்ள வாழ்த்துச் செய்தியில், தங்களது குடும்பத்தில் பாரம்பரியமாகக் கடைப்பிடிக்கப்பட்டு வரும் கலாசாரத்தை பேணிப் பாதுகாப்பதற்காக, தனது தந்தை அர்ப்பணிப்புடன் செயல்பட்டு தனது குடும்பத்தினருக்கு தீபாவளி குறித்தும், பிற இந்திய பண்டிகைகளைப் பற்றியும் கற்றுத்தந்ததையும் நினைவுகூர்ந்துள்ளார்.
