அமெரிக்காவில் மீண்டும் ஒரு விமான விபத்து : விமானத்தில் பயணித்த 6 பேரும் உயிரிழப்பு !
அமெரிக்காவின் தலைநகர் வாஷிங்டனில் ஏற்பட்ட விமான விபத்தை தொடர்ந்து பிலடெல்பியாவில் மீண்டும் ஒரு விமான விபத்து ஏற்பட்டுள்ளது பரபரப்பை ஏற்படுத்தியுள்ளது.
அமெரிக்காவின் பிலடெல்பியாவில் 6 பேர் பயணித்த சிறிய ரக விமானம் ஒன்று திடீரென கட்டுப்பாட்டை இழந்து பல வீடுகள் மீது மோதி தீப்பிடித்து எரிந்துள்ளது.
இந்த விபத்தில் விமானத்தில் பயணித்த 6 பேருமே பலியானதாக தகவல்கள் வெளியாகியுள்ளது.
இந்த விமானத்தில் இரண்டு நோயாளர்கள், இரண்டு மருத்துவர்கள் மற்றும் இரண்டு ஊழியர்கள் இருந்ததாக வெளிநாட்டு ஊடகங்கள் தெரிவிக்கின்றன.
கடந்த சில நாட்கள் முன்னதாக அமெரிக்க தலைநகர் வாஷிங்க்டனில் விமானம் ஒன்று தரையிறங்கியபோது, ராணுவ ஹெலிகாப்டர் ஒன்று வந்து மோதியதில் 67 பேர் உயிரிழந்த சம்பவம் பெரும் அதிர்ச்சியை ஏற்படுத்தியமை குறிப்பிடத்தக்கது
