இரண்டாமிடத்துக்கு முன்னேறிய அபிஷேக் ஷர்மா

சர்வதேச கிரிக்கெட் சபையின் இருபதுக்கு – 20 சர்வதேசப் போட்டிகளுக்கான துடுப்பாட்டவீரர்களுக்கான தரவரிசையில் இரண்டாமிடத்துக்கு இந்தியாவின் அபிஷேக் ஷர்மா முன்னேறியுள்ளார்.

இங்கிலாந்துக்கெதிரான இறுதி இரண்டு போட்டிகளிலும் 164 ஓட்டங்களைப் பெற்றமையைத் தொடர்ந்தே 40ஆம் இடத்திலிருந்து 38 இடங்கள் முன்னேறி இரண்டாமிடத்தை அபிஷேக் ஷர்மா அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ட்ரெவிஸ் ஹெட், 2. அபிஷேக் ஷர்மா, 3. திலக் வர்மா, 4. பில் ஸோல்ட், 5. சூரியகுமார் யாதவ், 6. ஜொஸ் பட்லர், 7. பாபர் அஸாம், 8. பதும் நிஸங்க, 9. மொஹமட் றிஸ்வான், 10. குசல் பெரேரா.

இதேவேளை மேற்குறித்த போட்டிகளில் 4 விக்கெட்டுகளைக் கைப்பற்றிய இந்தியாவின் வருண் சக்ரவர்த்தி, பந்துவீச்சாளர்களின் தரவரிசையில் ஐந்தாமிடத்திலிருந்து மூன்று இடங்கள் முன்னேறி இரண்டாமிடத்தையடைந்துள்ளார்.

இதுதவிர இப்போட்டிகளில் 4 விக்கெட்டுகளைக் கைப்பற்றிய இந்தியாவின் ரவி பிஷ்னோய், 10ஆம் இடத்திலிருந்து நான்கு இடங்கள் முன்னேறி ஆறாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. அகீல் ஹொஸைன், 2. அடில் ரஷீட், வருண் சக்கரவர்த்தி, 4. வனிது ஹசரங்க, 5. அடம் ஸாம்பா, 6. ரவி பிஷ்னோய், 7. மகேஷ் தீக்‌ஷன, 8. ரஷீட் கான், 9. அர்ஷ்டீப் சிங், 10. ஜொஃப்ரா ஆர்ச்சர்.

முதல் ஐந்து சகலதுறைவீரர்களின் தரவரிசை பின்வருமாறு,

1. ஹர்திக் பாண்டியா, 2. டிபேந்திர சிங்க் ஐரீ, 3. மார்க்கஸ் ஸ்டொய்னிஸ், 4. மொஹமட் நபி, லியம் லிவிங்ஸ்டோன்.

இந்நிலையில் இலங்கைக்கெதிரான முதலாவது டெஸ்டடில் 141 ஓட்டங்களைப் பெற்ற அவுஸ்திரேலியாவின் ஸ்டீவன் ஸ்மித், டெஸ்ட் போட்டிகளுக்கான துடுப்பாட்டவீரர்களுக்கான தரவரிசையில் எட்டாமிடத்திலிருந்து மூன்று இடங்கள் முன்னேறி ஐந்தாமிடத்தையடைந்துள்ளார்.

இது தவிர குறித்த போட்டியில் 47 ஓட்டங்களைப் பெற்ற இலங்கையின் கமிந்து மென்டிஸ், ஏழாமிடத்திலிருந்து ஓரிடம் முன்னேறி ஆறாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ஜோ றூட், 2. ஹரி ப்றூக், 3. கேன் வில்லியம்சன், 4. யஷஸ்வி ஜைஸ்வால், 5. ஸ்டீவன் ஸ்மித், 6. கமிந்து மென்டிஸ், 7. ட்ரெவிஸ் ஹெட், 8. தெம்பா பவுமா, 9. றிஷப் பண்ட், செளட் ஷகீல்.

இந்நிலையில் மேற்படி டெஸ்டில் 7 விக்கெட்டுகளைக் கைப்பற்றிய அவுஸ்திரேலியாவின் நேதன் லையன், எட்டாமிடத்திலிருந்து இரண்டு இடங்கள் முன்னேறி ஆறாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ஜஸ்பிரிட் பும்ரா, 2. ககிஸோ றபாடா, 3. பற் கமின்ஸ், 4. ஜொஷ் ஹேசில்வூட், 5. நொமன் அலி, 6. நேதன் லையன், 7. மார்கோ ஜன்சன், 8. மற் ஹென்றி, 9. இரவீந்திர ஜடேஜா, 10. பிரபாத் ஜெயசூரிய.

முதல் ஐந்து சகலதுறைவீரர்களின் தரவரிசை பின்வருமாறு,

1. இரவீந்திர ஜடேஜா, 2. மார்கோ ஜன்சன், 3. மெஹிடி ஹஸன் மிராஸ், 4. பற் கமின்ஸ், 5. ஷகிப் அல் ஹஸன்.