சம்பியன்ஸ் தொடர் நாளை ஆரம்பம்

சம்பியன்ஸ் கிண்ண கிரிக்கெட் தொடர் நாளை ஆரம்பமாகவுள்ளது.

8 அணிகள் இடையிலான 9ஆவது ஐ. சி. சி. சம்பியன்ஸ் கிண்ண கிரிக்கெட் போட்டி பாகிஸ்தான் மற்றும் டுபாயில் நடத்தப்படுகிறது.

நாளை புதன்கிழமை பிற்பகல் 02. 30 மணிக்கு கராச்சியில் நடக்கும் தொடக்க ஆட்டத்தில் பாகிஸ்தான் – நியூசிலாந்து அணிகள் மோதுகின்றன.

பாதுகாப்பு காரணங்களுக்காக இந்திய அணிக்குரிய ஆட்டங்கள் மட்டும் டுபாய்க்கு மாற்றப்பட்டுள்ளன.

இதில், உலகம் முழுவதும் கிரிக்கெட் இரசிகர்கள் ஆவலுடன் எதிர்நோக்கும் இந்தியா – பாகிஸ்தான் இடையிலான ஆட்டம் எதிர்வரும் 23ஆம் திகதி நடைபெறவுள்ளது.

சம்பியன்ஸ் கிண்ணத் தொடருக்கான இந்திய அணியினர் கடந்த 15 ஆம் திகதி டுபாய் புறப்பட்டுச்சென்றனர்.

இதனையடுத்து டுபாயில் நேற்று முன்தினம் முதல் இந்திய வீரர்கள் தீவிர பயிற்சியில் ஈடுபட்டு வருகின்றனர்