இலங்கை மற்றும் ஆப்கானிஸ்தான் அணிகளுக்கு இடையிலான முதலாவது ஒரு நாள் போட்டியில் இலங்கை அணி சகல விக்கெட்டுகளையும் இழந்து 268 ஓட்டங்களை பெற்றுக்கொண்டுள்ளது.

ஹம்பாந்தோட்டையில் நடைபெறும் இந்த போட்டியில் நாணய சுழற்சியில் வெற்றிபெற்ற ஆப்கானிஸ்தான் அணி முதலில் பந்து வீசுவதற்கு முடிவு செய்திருந்தது.

இதன்படி, முதலில் துடுப்பெடுத்தாடிய இலங்கை அணி 50 ஓவர்கள் நிறைவில் சகல விக்கெட்டுகளையும் இழந்து 268 ஓட்டங்களைப் பெற்றுக்கொண்டது.

இலங்கை அணி சார்பில் ஷரித்த அசலங்க 91 ஓட்டங்களையும், தனஞ்சய டி சில்வா 51 ஓட்டங்களையும், பத்தும் நிஷாங்க 38 ஓட்டங்களையும் பெற்றுக்கொண்டனர்.

பந்து வீச்சில் ஆப்கானிஸ்தான் அணி சார்பில் ஃபசல்ஹக் பாரூக்கி மற்றும் ஃபரீத் அகமது ஆகியோர் தலா இரண்டு விக்கெட்டுகளை வீழ்த்தியிருந்தனர்.

269 என்ற வெற்றி இலக்குடன் பதிலுக்கு துடுப்பெடுத்தாடி வரும் ஆப்கானிஸ்தான் அணி சற்று முன்னர் வரை ஒரு ஓவர் நிறைவிற்கு விக்கெட் இழப்பின்றி எட்டு ஓட்டங்களை பெற்றிருந்தமை குறிப்பிடத்தக்கது.