காட்டு யானைகளை கணக்கெடுக்கும் பணிகள் ஆரம்பம் !
இலங்கையின் வனவிலங்கு பாதுகாப்புத் திணைக்களத்தினால் இன்று முதல் எதிர்வரும் 19 ஆம் திகதி வரை காட்டு யானைகள் பற்றிய இலங்கை நாடு தழுவிய கணக்கெடுப்பை மேற்கொள்ளவுள்ளது.
வனவிலங்கு பாதுகாப்பு திணைக்களத்தின் பணிப்பாளர் நாயகம் சந்தன சூரியபண்டார, காட்டு யானைகள் தொகை கணக்கெடுப்பிற்காக நாடு முழுவதும் 3,130 கணக்கெடுப்பு மையங்கள் நிறுவப்பட்டுள்ளன.
வனவிலங்கு பாதுகாப்புத் துறை மற்றும் இதர அரசு நிறுவனங்களின் பணியாளர்கள், பாதுகாப்புப் படையினர், தனியார் துறையைச் சேர்ந்த பல்வேறு நிறுவனங்களின் பணியாளர்கள், உயர்கல்வி நிறுவனங்களின் மாணவர்கள், தன்னார்வப் பங்கேற்பாளர்கள் இந்தக் கணக்கெடுப்பில் பங்கேற்கவுள்ளனர்.
யானைகளுக்கான புதிய பாதுகாக்கப்பட்ட பகுதிகளை உருவாக்குதல், தற்போதுள்ள பாதுகாக்கப்பட்ட பகுதிகளை மேம்படுத்துதல், யானை-மனித மோதலை தடுப்பதற்கான மூலோபாய திட்டங்களை தயாரித்தல் மற்றும் புதுப்பித்தல், வளர்ச்சி நடவடிக்கைகள் மற்றும் பாதுகாப்பு தேவைகளுக்கு இடையே சமநிலையை ஏற்படுத்துதல் ஆகியவை இந்த கணக்கெடுப்பின் முக்கிய நோக்கங்களாகும்.
கடந்த 2011 இல் நாடு தழுவிய யானைகளின் தொகை கணக்கெடுப்பின்படி, இலங்கையில் குறைந்தபட்ச யானைகளின் எண்ணிக்கை 5,879 என மதிப்பிடப்பட்டுள்ளது.
