பிரசார மேடை இடிந்து வீழ்ந்ததில் 9 பேர் உயிரிழப்பு (படங்கள்)

மெக்சிகோவின் நியூவோ லியோன் பகுதியில் நடைபெற்ற தேர்தல் பிரசாரத்தின் போது , மேடையின் ஒருபகுதி இடிந்து வீழ்ந்ததில் 9 பேர் உயிரிழந்துள்ளனர்.

உயிரிழந்தவர்களில் ஒரு குழந்தையும் உள்ளடங்குவதாகவும்
குறித்த சம்பவத்தில் 121 பேர் வரை காயமடைந்துள்ளதாகவும்
அந்த நாட்டு உள்துறை அமைச்சு தெரிவித்துள்ளது.

தேர்தல் பிரசார நடவடிக்கை இடம்பெற்றுக்கொண்டிருக்கும் போது குறித்த பகுதியில் வீசிய பலத்த காற்று காரணமாக மேடையின் ஒரு பகுதி உடைந்து வீழ்ந்ததாக தெரிவிக்கப்படுகின்றது.

விபத்தில் காயமடைந்தவர்களில் சிலர் கவலைக்கிடமான நிலையில் மருத்துவமனையில் அனுமதிக்கப்பட்டுள்ளதாக சர்வதேச ஊடகங்கள் செய்தி வெளியிட்டுள்ளன.