இந்த வருடத்தில் 554 இந்திய மீனவர்கள் கைது
இந்த வருடத்தில் நாட்டின் கடல் எல்லையை மீறிய குற்றச்சாட்டில் 554 இந்திய மீனவர்கள் கைது செய்யப்பட்டுள்ளதாக தெரிவிக்கப்படுகின்றது.
இலங்கையின் கடற்பரப்பிற்குள் மேற்கொள்ளப்பட்ட விசேட நடவடிக்கையின் போது குறித்த மீனவர்கள் கைது செய்யப்பட்டதாக இலங்கை கடற்படை தெரிவித்துள்ளது.
அத்துடன், அவர்கள் வந்த 72 மீன்பிடி படகுகளும் கைப்பற்றப்பட்டுள்ளதாக கடற்படையினர் தெரிவித்துள்ளனர்.
இதேவேளை, சட்டவிரோதமான முறையில் இந்நாட்டு கடற்பரப்பிற்குள் அத்துமீறி பிரவேசித்து மீன்பிடியில் ஈடுபட்ட 17 இந்திய மீனவர்கள் மன்னார் வடக்கு கடற்பரப்பில் வைத்து கைது செய்யப்பட்டுள்ளனர்.
இதன்போது, அவர்கள் வந்த 02 படகுகளும் கடற்படையினரால் கைப்பற்றப்பட்டுள்ளதாகவும், கைது செய்யப்பட்ட இந்திய மீனவர்கள் மேலதிக சட்ட நடவடிக்கைகளுக்காக மன்னார் கடற்றொழில் பரிசோதகரிடம் ஒப்படைக்கப்படவுள்ளதாக இலங்கை கடற்படை தெரிவித்துள்ளது.
