தங்கலான் உங்களை ஏமாற்றாது!
‘பூ’ திரைப்படத்தின் மூலம் தமிழில் அறிமுகமானார் நடிகை பார்வதி.
தொடர்ந்தும் தனுஷூடன் மரியான் திரைப்படத்தில் நடித்ததன் மூலம் இன்னும் பிரபலமானார்.
வித்தியாசமான கதாபாத்திரங்களை தேர்ந்தெடுத்து நடிப்பதில் அதிக கவனம் செலுத்தி வரும் பார்வதி, தற்போது விக்ரமுடன் இணைந்து தங்கலான் திரைப்படத்தில் நடித்துள்ளார்.
பா.ரஞ்சித் இயக்கியுள்ள இத் திரைப்படம் எதிர்வரும் ஒகஸ்ட் 15ஆம் திகதி வெளியாகவுள்ளது.
இந்நிலையில் தங்கலான் திரைப்பட புரமோஷன் நிகழ்ச்சியொன்றில் பேசிய பார்வதி,
“பா.ரஞ்சித்தின் திரைப்படம் மிகவும் எதார்த்தமாக இருக்கும். அதனால் படப்பிடிப்பு தளத்தில் யாரும் சொகுசாக இருக்க முடியாது.
படம் நடிப்பது ஒரு ஆசீர்வாதம். அதற்காக பணமும் கிடைக்கிறது. இருப்பினும் ரசிகர்கள் படத்தைப் பார்த்து கொடுக்கும் ஆதரவு அனைத்தையும் விட பெரியது.
நடிகர் விக்ரம் இத் திரைப்படத்தில் மிகவும் நன்றாக நடித்துள்ளார்.
தங்கலான் திரைப்படம் உங்களை ஏமாற்றாது. இதற்கு நான் நூறு சதவீதம் உத்தரவாதம் கொடுக்கிறேன்” எனக் கூறியுள்ளார்.
