சர்வதேச கிரிக்கெட் போட்டிகளிலிருந்து ஓய்வு பெறுகிறார் ஷிகர் தவான்

சர்வதேச கிரிக்கெட் போட்டிகளிலிருந்து ஓய்வு பெறுவதாக இந்திய கிரிக்கெட் அணி வீரர் ஷிகர் தவான் அறிவித்துள்ளார்.

2010 ஆம் ஆண்டு ஒக்டோபர் 20 ஆம் திகதி ஒருநாள் போட்டிகளில் இந்திய அணிக்காக அறிமுகமான ஷிகர் தவான் 167 ஒருநாள் போட்டிகளில் விளையாடி 6,793 ஓட்டங்களைக் குவித்துள்ளார்.

ஆரம்ப துடுப்பாட்ட வீரரான இவர் 34 டெஸ்ட் போட்டிகளிலும் 68 இருபதுக்கு 20 கிரிக்கெட் போட்டிகளிலும் ஷிகர் தவான் விளையாடியுள்ளார்.

டெஸ்ட் போட்டிகளில் 2,315 ஓட்டங்களையும், இருபதுக்கு 20 போட்டிகளில் 1,759 ஓட்டங்களையும் பெற்றுள்ளார்.

38 வயதான ஷிகர் தவான் இறுதியாக 2022 ஆம் ஆண்டு பங்களாதேஷ் அணிக்கெதிரான ஒருநாள் போட்டியில் விளையாடியிருந்தார்.

இந்தநிலையில் அவர் சர்வதேச கிரிக்கெட் போட்டிகளிலிருந்து ஓய்வினை அறிவித்துள்ளார்.