காலியில் துப்பாக்கிச் சூடு : ஒருவர் காயம்
காலி – அஹுங்கல்ல பகுதியில் இன்று காலை இடம்பெற்ற துப்பாக்கிச் சூட்டுச் சம்பவத்தில் ஒருவர் காயமடைந்துள்ளதாக பொலிஸார் தெரிவித்துள்ளனர்.
சிவப்பு நிற ஸ்கூட்டரில் வந்த இருவர் துப்பாக்கிச் சூட்டை நடத்தி விட்டு அங்கிருந்து தப்பிச் சென்றுள்ளதாக பொலிஸ் ஊடகப் பேச்சாளர் சிரேஷ்ட பொலிஸ் அத்தியட்சகர் சட்டத்தரணி புத்திக மனதுங்க தெரிவித்தார்.
துப்பாக்கிச் சூட்டில் காயமடைந்த நபர் பலப்பிட்டிய ஆதார வைத்தியசாலையில் சிகிச்சைக்காக அனுமதிக்கப்பட்டுள்ளார்
பொலிஸார் மேற்கொண்ட விசாரணையில், துப்பாக்கிச் சூட்டில் காயமடைந்தவர் “லொகு பெடி” என்ற பாதாள உலகக்குழு உறுப்பினரின் உறவினர் என தெரியவந்துள்ளது.
இதனையடுத்து , சம்பவம் தொடர்பில் அஹுங்கல்ல பொலிஸார் மேலதிக விசாரணைகளை முன்னெடுத்துவருகின்றனர்
