ஐஸ் போதைப்பொருளுடன் இரு இளைஞர்கள் கைது

பத்தாயிரத்து எழுநூற்று இருபது மில்லிகிராம் ஐஸ் (10720) போதைப் பொருளுடன் இருவர் பதுளை விசேட புலனாய்வு பிரிவின் அதிகாரிகள் கைது செய்துள்ளதாக பொலிஸார் தெரிவித்தனர் .

ஒருவர், 19 வயதுடைய பதுளை இங்கமருவ பகுதியை சேர்ந்தவர் எனவும் அவரிடம் இருந்து 5400 மில்லிகிராம் ஐஸ் போதைப்பொருள் கைப்பற்றப்பட்டதாகவும், மற்றைய நபர் பதுளை வீரியபுர பகுதியில் வசிக்கும் 19 வயதுடையவர் எனவும் அவரிடம் இருந்து 5320 மில்லிகிராம் ஐஸ் போதைப்பொருள் கைப்பற்றப்பட்டதாக பொலிஸார் தெரிவித்தனர்.

குறித்த சந்தேகநபர்கள் தொடர்பில் கிடைத்த இரகசிய தகவலின் அடிப்படையில் இங்கமருவ மற்றும் வீரியபுர பகுதியில் வைத்து ஐஸ் போதைப் பொருளுடன் கைது செய்யப்பட்டதாக பொலிஸார் குறிப்பிட்டனர்.