நிரம்பி வழியும் நிலையில் 27 நீர்த்தேக்கங்கள்

73 பிரதான நீர்த்தேக்கங்களில் 27 நீர்த்தேக்கங்கள் நிரம்பியுள்ளதாக நீர்ப்பாசன திணைக்களம் தெரிவித்துள்ளது.

அநுராதபுரம் மாவட்டத்தில் உள்ள 10 பிரதான நீர்த்தேக்கங்களில் 07 நீர் நிரம்பி வழியும் மட்டத்தை இதுவரை எட்டியுள்ளதாக நீர்ப்பாசன திணைக்களத்தின் நீர் முகாமைத்துவ பிரிவின் பணிப்பாளர் பொறியியலாளர் பி.எஸ்.டி ஹேரத் தெரிவித்தார்.

மேலும், அம்பாறையின் மூன்று பிரதான நீர்த்தேக்கங்கள் நிரம்பி வழியும் மட்டத்தை எட்டியுள்ள அதேவேளை, பதுளை மாவட்டத்திலுள்ள 7 நீர்த்தேக்கங்களில் 3 நீர்த்தேக்கங்கள் நிரம்பியுள்ளதாகவும் அவர் கூறினார்.

இதேவேளை, மட்டக்களப்பு மாவட்டத்திலுள்ள 4 பிரதான நீர்த்தேக்கங்களில் 3 நீர்த்தேக்கங்கள் வான்வெளி மட்டத்தை எட்டியுள்ளதுடன், ஹம்பாந்தோட்டையில் உள்ள 10 பிரதான நீர்த்தேக்கங்களில் இரண்டு நீர் நிரம்பியுள்ளது.

காலி மாவட்டத்திலுள்ள இரண்டு பிரதான நீர்த்தேக்கங்களில் ஒன்று நிரம்பி வழியும் மட்டத்தில் உள்ளதுடன், கண்டி மாவட்டத்தில் உள்ள 3 பிரதான நீர்த்தேக்கங்களில் 2 நீர் நிரம்பி வழியும் மட்டத்தை எட்டியுள்ளன.

இதேவேளை, குருநாகல் மாவட்டத்தில் உள்ள 10 நீர்த்தேக்கங்களில் ஒன்று, மொனராகலை மாவட்டத்தில் உள்ள 3 நீர்த்தேக்கங்களில் இரண்டு நீர்த்தேக்கங்கள் மற்றும் பொலன்னறுவையில் உள்ள 4 பிரதான நீர்த்தேக்கங்களில் ஒன்று நிரம்பிவழிந்து வருவதாகவும் PSD ஹேரத் தெரிவித்தார்.

இதனிடையே, நிலச்சரிவு குறித்து தேசிய கட்டிட ஆராய்ச்சி நிறுவனம் முன்கூட்டியே எச்சரிக்கை விடுத்துள்ளது.

இந்த அறிவிப்பு நேற்று (12) இரவு 8.30 மணி முதல் இன்று (13) இரவு 8.30 மணி வரை 24 மணிநேரத்திற்கு செல்லுபடியாகும்.

அதன்படி, கீழ்கண்ட பகுதிகளுக்கு முன் எச்சரிக்கை மஞ்சள் அறிவிப்பு வெளியிடப்பட்டுள்ளது.

பதுளை மாவட்டம்:
– வெலிமடை
– பசறை
– ஹாலீஎல
– பதுளை

கண்டி மாவட்டம்:
– மெததும்பர
– பாததும்பர
– உடுதும்பர

குருநாகல் மாவட்டம்:
– ரதீகம

மாத்தளை மாவட்டம்:
– உக்குவலை
– ரத்தோட்டா

நுவரெலியா மாவட்டம்:
– வாலப்பனை
-ஹங்குரான்கெத்த