சிறுவனின் உயிரை பறித்த ஹேர் ட்ரையர்
புத்தளத்தில் மின்சாரம் தாக்கி, புத்தளம் தள வைத்தியசாலையின் அதி தீவிர சிகிச்சைப் பிரிவில் சிகிச்சை பெற்றுவந்த சிறுவன் ஒருவர் சிகிச்சை பலனின்றி நேற்று (30) உயிரிழந்துள்ளார்.
புத்தளம் , ஐந்தாம் குறுக்குத் தெருவைச் சேர்ந்த துவான் சலீம் முஹம்மது சஹ்ரான் ( வயது 17) எனும் சிறுவனே இவ்வாறு உயிரிழந்துள்ளார் என பொலிஸார் தெரிவித்துள்ளனர்.
குறித்த சிறுவன், சம்பவத்தினத்தன்று தனது வீட்டில் குளித்து விட்டு , முடி உலர்த்தி (ஹேர் ட்ரையர்) மூலம் முடியை உலர வைத்த சந்தர்ப்பத்திலேயே மின்சாரம் தாக்கியுள்ளது.
புத்தளம் சாஹிரா தேசியப் பாடசாலை மாணவரான இவர், கடந்த மாதம் நிறைவடைந்த க.பொ.த. சாதாரண தரப் பரீட்சைக்குத் தோற்றியிருந்தார் என்பது குறிப்பிடத்தக்கது.
CATEGORIES Sri Lanka
