ஹெரோயினுடன் ஒருவர் கைது

முல்லேரியா – உடுமுல்ல பிரதேசத்தில் வீடொன்றில் இருந்து கைப்பற்றப்பட்ட சுமார் 5 கோடி ரூபாய் பெறுமதியான போதைப்பொருள் கையிருப்பு வெளிநாட்டுக்கு தப்பிச் சென்ற கோத்தா அசங்க எனப்படும் அமில நுவானுடையது என பொலிஸார் சந்தேகிக்கின்றனர்.

இதன்போது 2 கிலோ 218 கிராம் ஹெரோயின், போதைப்பொருள் கடத்தல் மூலம் சம்பாதித்ததாகச் சந்தேகிக்கப்படும் ஆறு இலட்சத்து 67,000 ரூபாய், 3 கையடக்கத் தொலைபேசிகள் மற்றும் கார் ஒன்றுடன் 41 வயதுடைய சந்தேகநபர் கொழும்பு குற்றத்தடுப்பு பிரிவின் அதிகாரிகளினால் கைது செய்யப்பட்டுள்ளார்.

சந்தேக நபர் இன்று (29) காலை சில துப்பாக்கிச் சூட்டுக்கு தயாராகி வருவதாக கிடைத்த தகவலுக்கு அமைய இந்த சுற்றிவளைப்பு மேற்கொள்ளப்பட்டுள்ளது. இவர் இதற்கு முன்னரும் துப்பாக்கிச் சூடு சம்பவத்தில் ஈடுபட்டுள்ளதாக தெரியவந்துள்ளது.