நேருக்கு நேர் மோதிய பேருந்துகள் : மாணவர்கள் உட்பட 50 பேர் காயம்

கொழும்பு – அவிசாவளை வீதியில் ரணால பிரதேசத்தில் தனியார் பேருந்தொன்றும் மாணவர்களை ஏற்றிச் சென்ற பேருந்தொன்றும் நேருக்கு நேர் மோதி விபத்திற்குள்ளானதில் மாணவர்கள் உட்பட 50 பேர் காயமடைந்துள்ளனர்.

நேற்றைய தினம் (19) கொழும்பில் இருந்து லபுகமுவ நோக்கி மாணவர்களை ஏற்றிச் சென்ற பேருந்தும், எம்பிலிபிட்டியவில் இருந்து கொழும்பு நோக்கி வந்த தனியார் பேருந்தும் நேருக்கு நேர் மோதியதில் இந்த விபத்து ஏற்பட்டது.

இந்த விபத்தின் காரணமாக உயிரிழப்புகள் பதிவாகவில்லை என பொலிஸார் தெரிவித்துள்ளனர்.

மேலும் குறித்த விபத்தினால் காயமடைந்தவர்கள் சிகிச்சைகளுக்காக நவகமுவ மாவட்ட வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்துள்ளனர்.