வெற்றியை எதிர்பார்த்து கடைசி போட்டியில் களமிறங்கும் இலங்கை அணி

இந்தியாவுக்கு எதிரான டி20 தொடரை 2–0 என இழந்த இலங்கை அணி ஆறுதல் வெற்றி ஒன்றுக்காக இன்று (30) மூன்றாவது மற்றும் கடைசி போட்டியில் களமிறங்கவுள்ளது.

பல்லேகலவில் நடைபெற்று வரும் இந்தத் தொடரின் முதல் போட்டியில் 214 ஓட்ட வெற்றி இலக்கை துரத்திய இலங்கை அணி 2 விக்கெட் இழப்புக்கு 140 ஓட்டங்களைப் பெற்று வலுவான நிலையில் இருந்தபோதும் மேலும் 30 ஓட்டங்களை பெறுவதற்குள் எஞ்சிய 7
விக்கெட்டுகளையும் பறிகொடுத்தது.

இரண்டாவது டி20 போட்டியிலும் இதே நிலை ஏற்பட்டது. முதலில் துடுப்பெடுத்தாடிய இலங்கை அணி ஒருகட்டத்தில் 130 ஓட்டங்களுக்கு 3 விக்கெட்டுகளை இழந்திருந்த போதும் மத்திய வரிசை சரிந்ததால் 9 விக்கெட் இழப்புக்கு 161 ஓட்டங்களையே பெற்றது.

இந்நிலையில் இன்றைய போட்டியில் அணியில் மாற்றங்கள் செய்யப்
பட வாய்ப்பு உள்ளது. குறிப்பாக முதல் இரு போட்டியிலும் டக் அவுட் ஆன
தசுன் ஷானக்கவுக்கு பதில் அனுபவ வீரர் தினேஷ் சந்திமால் களமிறங்க வாய்ப்பு உள்ளது.