வடிவேல் சுரேஷ் ஜனாதிபதிக்கு ஆதரவு !
எதிர்வரும் ஜனாதிபதித் தேர்தலில் ஜனாதிபதி ரணில் விக்ரமசிங்கவுக்கு தேசிய தோட்டத் தொழிலாளர் சங்கம் ஆதரவளிக்கும் என அந்த சங்கத்தின் பொதுச் செயலாளரும் நாடாளுமன்ற உறுப்பினருமான வடிவேல் சுரேஷ் தெரிவித்துள்ளார்.
சாதி பேதமின்றி பெருந்தோட்ட மக்கள் உட்பட நாட்டு மக்களுக்கு அளப்பரிய சேவையை ஆற்றி வரும் ஜனாதிபதி ரணில் விக்ரமசிங்கவிற்கு, பெருந்தோட்ட மக்கள் உறுதுணையாக இருப்பார்கள் எனவும் வடிவேல் சுரேஷ் தெரிவித்துள்ளார்.
மேலும், ஜனாதிபதித் தேர்தலில் ஜனாதிபதி ரணில் விக்கிரமசிங்கவுக்கு ஆதரவளிக்கப் போவதாக கம்பஹா மாவட்டத்தில் ஐக்கிய மக்கள் சக்தி சார்பில் போட்டியிட்ட முன்னாள் அமைச்சர் விஜித் விஜயமுனி சொய்சா அறிவித்துள்ளார்.
இதேவேளை, எதிர்வரும் ஜனாதிபதித் தேர்தலில் ரணில் விக்கிரமசிங்க வெற்றி பெறுவது உறுதி என பாராளுமன்ற உறுப்பினர் விமலவீர திஸாநாயக்க தெரிவித்தார்.
மேலும் , இந்த ஜனாதிபதித் தேர்தலில் பொதுஜன பெரமுனவால் வெற்றிபெற முடியாது எனவும் விமலவீர திஸாநாயக்க தெரிவித்துள்ளார்.
