இந்தியன் ப்ரீமியர் லீக் கிரிக்கெட் தொடரின் 24 ஆவது போட்டி இன்று (10) இடம்பெறவுள்ளது.

குறித்த போட்டியில் ராஜஸ்தான் ரோயல்ஸ் மற்றும் குஜராத் டைட்டன்ஸ் ஆகிய அணிகள் மோதவுள்ளன. இந்த போட்டி இன்று (10) இரவு 7.30 க்கு ஆரம்பமாகவுள்ளது.

முன்னதாக குறித்த இரு அணிகளும் 5 போட்டிகளில் மோதியுள்ளன. இதில் குஜராத் டைட்டன்ஸ் அணி 4 போட்டிகளிலும் ராஜஸ்தான் ரோயல்ஸ் அணி 1 போட்டியிலும் வெற்றிபெற்றுள்ளது.

அத்துடன், நடப்பு இந்தியன் ப்ரீமியர் லீக் கிரிக்கெட் தொடரில் ராஜஸ்தான் ரோயல்ஸ் அணி இதுவரையில் எவ்வித தோல்விகளையும் பதிவுசெய்யவில்லை என்பது குறிப்பிடத்தக்கது.