24 மணிநேரத்தில் 626 பேர் கைது

நாடளாவிய ரீதியில் கடந்த 24 மணிநேரத்துக் குள் மேற்கொள்ளப்பட்ட யுக்திய சுற்றிவளைப்பு நடவடிக்கையின் போது போதைப்பொருள் குற்றம் தொடர்பில் 626 பேர் கைது செய்யப்பட்டுள்ளதாக பொலிஸார் தெரிவித்துள்ளனர்.

கைது செய்யப்பட்டவர்களில் 618 ஆண்களும் 8 பெண்களும் அடங்குவதாக பொலிஸார் தெரிவித்துள்ளனர். கைது ெசய்யப்பட்ட சந்தேக நபர்களில் 14 பேர் பொலிஸ் தடுப்பு காவலில் வைக்கப்பட்டுள்ளனர். போதைப் பொருளுக்கு அடிமையாகியுள்ள 5 பேரை புனர்வாழ்வு நிலையத்துக்கு அனுப்பி வைக்க நடவடிக்கை எடுக்கப்பட்டுள்ளது.

சந்தேக நபர்களிடமிருந்து 234 கிராம் 799 மில்லி கிராம் ஹெரோயின் , 239 கிராம் 795 மில்லி கிராம் ஐஸ், 2,134 கிராம் 866 மில்லி கிராம் கஞ்சா, 739 கஞ்சா செடிகள் ஆகியவை கைப்பற்றப்பட்டுள்ளதாகவும் பொலிஸார் தெரிவித்துள்ளனர்.