திமிங்கல வாந்தியுடன் இருவர் கைது

8 மில்லியன் ரூபாய் பெறுமதிமிக்க திமிங்கல வாந்தியை சட்டவிரோதமாக வைத்திருந்த இரண்டு நபர்கள் பொலிஸ் சுற்றிவளைப்பின் போது அநுராதபுரத்தில் கைது செய்யப்பட்டுள்ளனர்.

சந்தேக நபர்களிடம் இருந்து ஒரு கிலோ கிராம் அம்பர்கிரிஸ் கண்டுபிடிக்கப்பட்டதுடன், இது திமிங்கலங்களிலிருந்து பெறப்பட்ட மிகவும் அரிதான மற்றும் விலையுயர்ந்த பொருளாகும்.

இராணுவத்தினருக்கு கிடைத்த இரகசிய தகவலையடுத்து நொச்சியாகம பொலிஸாரால் இவர்கள் கைது செய்யப்பட்டுள்ளனர்.

தங்காலை பிரதேசத்தில் வசிக்கும் 36 வயதுடைய நபரும், கொக்காவெவ, கலென்பிந்துனுவெவ பிரதேசத்தில் வசிக்கும் 24 வயதுடைய ஒருவருமே கடத்தலுக்கு பயன்படுத்தப்பட்ட மோட்டார் சைக்கிளுடன் கைது செய்யப்பட்டுள்ளனர்.

நொச்சியாகம பொலிஸார் சம்பவம் தொடர்பில் மேலதிக விசாரணைகளை மேற்கொண்டு வருகின்றனர்.