15ஆவது முறையாக சாம்பியன்ஸ் லீக் கிண்ணத்தை கைப்பற்றியது ரியல் மாட்ரிட் !
UEFA சாம்பியன் ஷிப் லீக் தொடரின் இறுதி போட்டியில் ரியல் மாட்ரிட் (Real Madrid) அணி 0-2 என்ற கோல் கணக்கில் டார்ட்மண்ட் (Dortmund) அணியை வீழ்த்தி சாம்பியன் பட்டத்தை கைப்பற்றியது.
69 வது பருவகால UEFA சாம்பியன் ஷிப் லீக் தொடர் கடந்த வருடம் ஜூன் மாதம் தொடங்கி நடந்து வந்த நிலையில் சாம்பியன் லீக் பட்டத்தை வெல்வதற்காக இறுதிப்போட்டியானது நேற்று (01) லண்டனில் உள்ள வெம்ப்லே மைத்தனத்தில் நடைபெற்றது.
இந்த இறுதிப்போட்டியில் ஜெர்மனியின் பொரூஸியா டார்ட்மண்ட் அணியும் ஸ்பெயினின் ரியல் மாட்ரிட் அணியும் மோதின.
இந்த லீக் தொடர் முழுவதிலும் இரண்டாவது சிறந்த அணியாக விளங்கிய டொர்முண்ட் அணி இறுதி ஆட்டத்தின் முதல் பாதியில் வாய்ப்பு கிடைத்தும் 3 கோல்களை தவறவிட்டது.
மறுபுறம் ரியல் மாட்ரிட் அணி ஆட்டத்தின் 74ஆவது நிமிடத்தில் கோல் அடித்து அசத்தியது.
தொடர்ந்து ரியல் மத்ரித் வீரர் வினீசியஸ் ஜூனியர், ஆட்டத்தின் 83வது நிமிடத்தில் கோல் அடித்து அணியின் வெற்றிக்கு வித்திட்டார்.
இதன்மூலம் 2-0 என்ற கோல் கணக்கில் ஜெர்மனியின் பொரூஸியா டார்முண்ட் அணியை வீழ்த்தி ஸ்பெயினின் ரியல் மாட்ரிட் அணி சாம்பியன்ஷிப் லீக் பட்டத்தை வென்று சாதனை படைத்தது.
ஐரோப்பிய லீக் கோப்பையை ரியல் மாட்ரிட் அணி வெல்வது இது 15 ஆவது முறை என்பது குறிப்பிடத்தக்கது.
