பெலியத்தையில் இரு கைக் குண்டுகள் மீட்பு

பெலியத்தை பொலிஸ் பிரிவுக்கு உட்பட்ட பெட்டியாவெல நிஹலுவ பகுதியில்  அமைந்துள்ள விகாரை ஒன்றின் வளாகத்திலிருந்து இரு கைக் குண்டுகள் பெலியத்தை பொலிஸாரால் நேற்று முன்தினம் (27) மீட்கப்பட்டுள்ளன.

குறித்த கைகுண்டுகள் இரண்டும் துருப்பிடித்த நிலையில் மீட்கப்பட்டுள்ளதாக பொலிஸார் தெரிவித்துள்ளனர். 

விகாரையின் கிணற்றுக்கு அருகில் உள்ள பகுதியை புல்வெளியைச் சுத்தம் செய்யும் இயந்திரத்தைப் பயன்படுத்தி சுத்தம் செய்து கொண்டிருந்த போது திடீரென வெடி சத்தம் எழுந்துள்ளது.

இது தொடர்பில் தேடி பார்த்த போது மண்ணில் புதைந்திருந்த இரு கைக் குண்டுகளும் கண்டுபிடிக்கப்பட்டுள்ளன.

குறித்த சம்பவம் தொடர்பில் பொலிஸாருக்கு தெரியப்படுத்தியதை அடுத்து, பொலிஸார் தங்காலை நீதவான் நீதிமன்றத்தின் உத்தரவின் பெயரில் பொலிஸ் விசேட அதிரடிப்படை பிரிவு அதிகாரிகளின் உதவியுடன் கைக் குண்டுகளை மீட்டுப் பாதுகாப்பாக அவற்றைச் செயலிழக்கச் செய்துள்ளனர். 

இது தொடர்பில் பெலியத்தை பொலிஸார் மேலதிக விசாரணைகளை முன்னெடுத்துள்ளனர்.