இந்த அரசாங்கம் ஒரு சர்வாதிகாரம் போல எனக்கு தோன்றுகிறது

தற்போதைய அரசாங்கம் பல்வேறு கதைகளைச் கூறி, நாட்டின் பிற பிரச்சினைகளை மறக்கடிக்க முயற்சிப்பதாக தேசிய சுதந்திர முன்னணியின் தலைவர் விமல் வீரவன்ச தெரிவித்துள்ளார்.

பத்தரமுல்லையில் உள்ள கட்சி தலைமையகத்தில் நேற்று (22) நடைபெற்ற செய்தியாளர் சந்திப்பில் கலந்து கொண்டு உரையாற்றும் போதே அவர் இதனை தெரிவித்துள்ளார்.

டிஜிட்டல் அடையாள அட்டையைத் தயாரிப்பதில் இந்தியாவுடன் இணைந்து பணியாற்றுவதன் மூலம், இந்த நாட்டு மக்களின் தரவுகள் பிற வெளி தரப்பினரின் கைகளுக்குச் செல்லும் அபாயம் உள்ளது என்று விமல் வீரவன்ச இதன்போது தெரிவித்துள்ளார்.

“இலங்கைக்கு டிஜிட்டல் அடையாள அட்டை தேவையற்றது என்பது எங்கள் நிலைப்பாடு அல்ல. இதைச் செய்ய நீங்கள் ஒரு இந்திய நிறுவனம் வழியாகச் சென்றாலும், அவர்களின் கைகளில் செல்வதைத் தடுக்க முடியாது. “அந்தத் தரவுகளை விருப்பப்படி பயன்படுத்தப்படுவதை தடுக்கவும் முடியாது.”

கேள்வி – முன்னாள் ஜனாதிபதி மஹிந்த ராஜபக்ஷவின் உத்தியோகபூர்வ இல்லம் தொடர்பாக ஒரு சிக்கல் நிறைந்த சூழ்நிலை ஏற்பட்டுள்ளது. இந்த விடயத்தில் உங்கள் கருத்து என்ன?

“இந்த அரசாங்கம் ஒரு சர்வாதிகாரம் போல எனக்கு தோன்றுகிறது. ஆட்சிக்கு வந்ததிலிருந்து, எதிர்க்கட்சி என்றே எண்ணி வருகிறது.

அவர்கள் எதையாவது பிடித்துக்கொண்டு பேச்சு கொடுக்கிறார்கள். அதனால் ஏனைய பிரச்சினைகளை மறந்து விடுகிறார்கள். இப்போது, ​​இந்தியாவுடன் கையெழுத்திடப்படும் ஒப்பந்தங்களைச் சுற்றியுள்ள பிரச்சினைகளை மறந்துவிடுகிறார்கள். இது எட்கா ஒப்பந்தம் தொடர்பான பிரச்சினைகளை மறக்கச் செய்கிறது.

புதிய அரசாங்கம் ஆட்சிக்கு வந்து ​​முன்னாள் அரச தலைவரின் உத்தியோகபூர்வ இல்லத்தை  கைப்பற்றி, பாதுகாப்புப் படையினரை அகற்ற முயற்சிக்கின்றது.

எனினும் மஹிந்த ராஜபக்ஷ இந்த நாட்டுக்கு ஆபத்தாய் இருந்த பயங்கரவாதத்தை தோற்கடித்தார் என்பதை நாம் விரும்பினாலும் விரும்பாவிட்டாலும் ஏற்றுக்கொள்ள வேண்டும். அப்படிப்பட்ட ஒருவரின் உயிருக்கு ஆபத்து இல்லை என்று சொல்ல முடியாது.

மேலும் வாய்ப்பேச்சை விட்டு விட்டு இந்த நாட்டில் உள்ள பிரச்சினைகளுக்கு பதிலளிக்கவும். “இல்லையெனில், இந்த அரசாங்கத்திற்கு அதிக காலம் செல்ல முடியாது”. என தெரிவித்துள்ளார்.