ஐக்கிய தேசியக் கட்சி – ஐக்கிய மக்கள் சக்தி கூட்டணி பேச்சு வெற்றி
ஐக்கிய தேசியக் கட்சியுடன் இதுவரை நடத்தப்பட்ட பேச்சுவார்த்தைகள் மிகவும் வெற்றிகரமாக இருந்ததாகவும், அதன்படி, எதிர்வரும் தேர்தல்களில் இரு கட்சிகளும் இணைந்து போட்டியிடும் என்றும் ஐக்கிய மக்கள் சக்தியின் தேசிய அமைப்பாளர் திஸ்ஸ அத்தநாயக்க தெரிவித்தார்.
அடுத்த வாரம் கட்சித் தலைவர்களிடையே ஒரு முக்கியமான கலந்துரையாடல் நடைபெற உள்ளதாகவும் அவர் கூறினார்.
ஆரம்ப சுற்றில் இதுவரை நடைபெற்ற கலந்துரையாடல்கள் நேர்மறையானதாக இருந்ததால், கட்சித் தலைவர் மட்டத்தில் தீர்க்கமான கூட்டங்கள் எதிர்காலத்தில் நடத்த திட்டமிடப்பட்டுள்ளதாகவும் அத்தநாயக்க கூறினார்.
தேர்தலுக்காக வழங்கப்படும் சின்னம் உள்ளிட்ட பிற காரணிகள் குறித்தும் கவனம் செலுத்தப்படும் என்று அவர் மேலும் கூறினார்.
