பெய்ரூட்டில் சிரேஷ்ட ஹிஸ்புல்லா தலைவரைக் குறிவைத்து இஸ்ரேலியத் தாக்குதல்கள்

போர்நிறுத்தத்திற்கு ஒப்புக்கொண்ட பிறகு, லெபனானின் பெய்ரூட்டில் உள்ள ஹிஸ்புல்லா போராளிகளை இஸ்ரேல் முதன்முறையாகக் குறிவைத்துள்ளதாக வெளிநாட்டு ஊடகங்கள் தெரிவிக்கின்றன.

இந்த வான்வழித் தாக்குதல், ஹிஸ்புல்லாவின் தலைமையகங்களில் ஒன்றான பெய்ரூட்டின் தாஹியே பகுதியைக் குறிவைத்தது.

இந்தத் தாக்குதலால் பெரும் தீ விபத்து ஏற்பட்டதுடன், ஒரு கட்டிடம் கடுமையாகச் சேதமடைந்தது.

ஹிஸ்புல்லாவின் ரத்வான் படைப்பிரிவின் தளபதியைக் குறிவைத்த இந்தத் தாக்குதலுக்குத் தனிப்பட்ட முறையில் தாம் ஒப்புதல் அளித்ததாக இஸ்ரேலியப் பிரதமர் பெஞ்சமின் நெதன்யாகு கூறினார்.

ஹிஸ்புல்லா உறுப்பினர்கள் ஒரு கூட்டத்தில் இருந்தபோது, ​​உள்ளூர் நேரப்படி இரவு 8 மணியளவில் இந்தத் தாக்குதல் நடந்தது. இந்தத் தாக்குதல் குறித்து ஹிஸ்புல்லா இதுவரை எந்தக் கருத்தையும் தெரிவிக்கவில்லை.

ஏப்ரல் 16 அன்று இஸ்ரேலுக்கும் லெபனானுக்கும் இடையே போர்நிறுத்த ஒப்பந்தத்தை அமெரிக்க அதிபர் டொனால்ட் டிரம்ப் அறிவித்த பிறகு, பெய்ரூட் மீது நடத்தப்பட்ட முதல் தாக்குதல் இதுவாகும்.