எரிபொருள் விநியோகத்தில் QR முறை தொடரும் என நிதி மற்றும் திட்டமிடல் பிரதி அமைச்சர் அறிவிப்பு

எரிபொருள் விநியோகத்திற்காக அறிமுகப்படுத்தப்பட்ட கியூஆர் குறியீட்டு முறை தொடர்ந்து நடைமுறையில் இருக்கும் என நிதி மற்றும் திட்டமிடல் பிரதி அமைச்சர் அனில் ஜெயந்தா தெரிவித்துள்ளார்.

இன்று (19) பாராளுமன்றத்தில் கருத்து வெளியிட்ட அவர், நாட்டில் எரிபொருள் பயன்பாட்டை முடிந்தவரை கட்டுப்படுத்தும் நோக்கில் இந்தத் தீர்மானம் எடுக்கப்பட்டுள்ளதாக கூறினார்.

மேலும், வாகன வகைகளின் அடிப்படையில் வழங்கப்படும் எரிபொருள் ஒதுக்கீட்டு அளவுகளும் அறிவிக்கப்பட்டுள்ளன.

வாகனங்களுக்கான எரிபொருள் ஒதுக்கீடு

கார்கள் – 25 லிட்டர்
முச்சக்கர வண்டிகள் – 20 லிட்டர்
வேன்கள் – 50 லிட்டர்
மோட்டார் சைக்கிள்கள் – 8 லிட்டர்
பேருந்துகள் – 100 லிட்டர்
நில வாகனங்கள் – 40 லிட்டர்
சரக்கு வண்டிகள் – 200 லிட்டர்
சிறப்பு பயன்பாட்டு வாகனங்கள் – 40 லிட்டர்

எரிபொருள் விநியோகத்தை ஒழுங்குபடுத்தவும் தேவையற்ற பயன்பாட்டை குறைக்கவும் கியூஆர் முறை தொடர்ந்து கண்காணிக்கப்படும் என்றும் அமைச்சர் தெரிவித்தார்.