விற்பனைக்கு தயாரான 5 டன் காலாவதியான உணவுப் பொருட்களைக் கொண்ட களஞ்சியசாலை ஒருகொடவத்தையில் கண்டுபிடிக்கப்பட்டது

ஐந்து டன் எடையுள்ள பல்வேறு வகையான காலாவதியான உணவுப் பொருட்களை சேமித்து வைத்திருந்த ஒரு களஞ்சியசாலை ஒன்றை நுகர்வோர் விவகார அதிகாரசபை சோதனை செய்துள்ளது.

ஒருகொடவத்தை பகுதியில் கண்டுபிடிக்கப்பட்ட இந்த களஞ்சியசாலையில் உள்ள உணவுப் பொருட்களை எதிர்வரும் பண்டிகைக் காலத்தில் சந்தைக்கு வெளியிட திட்டமிடப்பட்டிருந்ததாக தெரியவந்துள்ளது.

நுகர்வோர் விவகார அதிகாரசபைக்கு கிடைத்த தகவலின் அடிப்படையில் நேற்று முன்தினம் இந்த சோதனை மேற்கொள்ளப்பட்டது.

குறித்த களஞ்சியசாலைக்கு சீல் வைக்கப்பட்டுள்ளது, மேலும் சட்ட நடவடிக்கை எடுக்கப்படும் என நுகர்வோர் விவகார அதிகாரசபை தெரிவித்துள்ளது.