397 கையடக்கத் தொலைபேசிகளை சட்டவிரோதமாக இறக்குமதி செய்த தொழிலதிபர் கைது

397 கையடக்கத் தொலைபேசிகளை சட்டவிரோதமாக இறக்குமதி செய்ய முயன்ற தொழிலதிபர் கைதுசெய்யப்பட்டுள்ளார்.

இலங்கை தொலைத்தொடர்பு ஒழுங்குமுறை ஆணையத்தின் (TRCSL) ஒப்புதல் இன்றி ரூ.34 மில்லியனுக்கும் அதிகமான மதிப்புள்ள கையடக்கத் தொலைபேசிகளை நாட்டிற்கு சட்டவிரோதமாக இறக்குமதி செய்ய முயன்ற சந்தேக நபர் பண்டாரநாயக்க சர்வதேச விமான நிலையத்தில் கைது செய்யப்பட்டுள்ளார்.

சந்தேக நபர் தெமட்டகொடயில் வசிக்கும் 45 வயதுடைய இலங்கை தொழிலதிபர் என இலங்கை சுங்கத்திணைக்களம் தெரிவித்துள்ளது.

மூன்று பொதிகளில் மறைத்து வைக்கப்பட்டிருந்த 397 கையடக்கத் தொலைபேசிகளை அவரிடமிருந்து சுங்க அதிகாரிகள் மீட்டுள்ளனர்.

சந்தேகநபர் இன்று (18) காலை 7:00 மணியளவில் துபாயில் இருந்து இலங்கை ஏர்லைன்ஸ் விமானம் UL-226 மூலம் நாட்டிற்கு வந்துள்ளதாக பொலிஸார் தெரிவித்தார்.