ஜனாதிபதியுடனான பேச்சுவார்த்தை வெற்றி ; போராட்டத்தை நிறுத்திய பாடசாலை மேம்பாட்டு அதிகாரிகள்

ஜனாதிபதியுடன் இடம்பெற்ற பேச்சுவார்த்தை வெற்றியடைந்ததை அடுத்து, இலங்கை பாடசாலை மேம்பாட்டு அதிகாரிகள் சங்கம் முன்னெடுத்து வந்த உண்ணாவிரதப் போராட்டத்தை முடிவுக்குக் கொண்டு வந்துள்ளது.

அதிகாரிகளின் கோரிக்கைகள் தொடர்பில் சாதகமான தீர்வுகள் குறித்து ஜனாதிபதி தரப்பிலிருந்து உறுதியளிக்கப்பட்டதாக சங்கத் தரப்பில் தெரிவிக்கப்பட்டுள்ளது. இதனையடுத்து, நல்லிணக்க சூழலில் போராட்டம் முடிவுக்கு வந்ததாகவும் அவர்கள் குறிப்பிட்டுள்ளனர்.

கடந்த 7 வருடங்களாக பாடசாலைகளில் கற்பித்தல் நடவடிக்கைகளில் ஈடுபட்டுள்ள தங்களை உடனடியாக ஆசிரியர் சேவையில் உள்வாங்குமாறு கோரி, இலங்கை பாடசாலை அபிவிருத்தி உத்தியோகத்தர்கள் சங்கம் கடந்த 9 நாட்களாக உண்ணாவிரத போராட்டத்தில் ஈடுபட்டுவந்தமை குறிப்பிடத்தக்கது.