புத்தாண்டுக்காகத் தமது ஊர்களுக்குச் செல்லும் மக்களுக்காக இன்றும் விசேட பஸ் – ரயில் சேவை

புத்தாண்டுக்காகத் தங்கள் ஊர்களுக்குச் செல்லும் மக்களுக்காக இன்றும் (12) சிறப்புப் பஸ்கள் மற்றும் ரயில்கள் சேவைகள் தொடர்ந்து இயக்கப்படுகின்றன.

பயணிகளின் தேவைக்கேற்ப கூடுதல் பஸ்களை இயக்குவதற்கு தேவையான அறிவுறுத்தல்களைப் போக்குவரத்து அமைச்சு வழங்கியுள்ளது.

அதிவேக நெடுஞ்சாலைகளில் பயணிக்கும் மக்களுக்காக மாகும்புர பன்முகப் போக்குவரத்து மையத்திலிருந்து சிறப்புப் பஸ்கள் இயக்கப்பட உள்ளன.

புத்தாண்டு காலத்தில் பயணிகளிடம் நிர்ணயிக்கப்பட்ட கட்டணத்தை விட அதிக பணம் வசூலிக்கும் பேருந்துகளுக்கு எதிராகக் கடுமையான சட்ட நடவடிக்கை எடுக்கப்படும் எனப் போக்குவரத்து மற்றும் நெடுஞ்சாலைகள் அமைச்சர் பிமல் ரத்நாயக்க தெரிவித்துள்ளார்.