தங்கத்தின் விலையில் மாற்றம்

இலங்கையில் கடந்த வாரத்துடன் ஒப்பிடுகையில் தங்கத்தின் விலையானது இன்றைய தினம் (31) மேலும் அதிகரித்துள்ளது.

கொழும்பு, செட்டியார் தெருவின் தங்க விலைகளுக்கு அமைவாக இன்று 24 கரட் தங்கம் ஒரு பவுணின் விலையானது 245,000 ரூபாவாக காணப்படுகிறது.

அதேநேரம், 22 கரட் தங்கத்தின் விலையானது 226,000 ரூபாவாக காணப்படுவதாக அகில இலங்கை நகைகள் விற்பனையாளர் சங்கப் பொதுச் செயலாளர் ஆர்.பாலசுப்ரமணியம் தெரிவித்துள்ளார்.

கடந்த திங்கட்கிழமை (24) 24 கரட் தங்கத்தின் விலையானது 237,500 ரூபாவாகவும், 22 கரட் தங்கத்தின் விலையானது 219,500 ரூபாவாகவும் காணப்பட்டிருந்தது.

அதேநேரம், சர்வதேச சந்தையில் ஒரு அவுன்ஸ் தங்கத்தின் விலையானது இன்றைய தினம் 3,111.49 அமெரிக்க டொலர்களாக காணப்படுகிறது.