முன்னாள் ஜனாதிபதி மஹிந்த ராஜபக்ஷ இன்று காலைஇலஞ்ச ஆணைக்குழுவின் முன் ஆஜராகிறார்

முன்னாள் ஜனாதிபதி மஹிந்த ராஜபக்ஷ இன்று காலை
(12) இலஞ்ச ஆணைக்குழுவின் முன் ஆஜராக உள்ளார்.

2013-ஆம் ஆண்டில் ஸ்ரீலங்கன் ஏர்லைன்ஸ் நிறுவனத்திற்கு விமானங்கள் கொள்முதல் செய்தபோது, ​​​​அந்நிறுவனத்திற்கு 2 மில்லியன் அமெரிக்க டாலர்கள் இலஞ்சம் வழங்கப்பட்டதாகக் கூறப்படுவது தொடர்பாக வாக்குமூலம் அளிக்குமாறு இலஞ்ச ஆணைக்குழு விடுத்த அறிவிப்பிற்குப் பதிலளிக்கும் விதமாக இது அமைந்துள்ளது.

முன்னாள் விமானப் போக்குவரத்து அமைச்சர் பியங்கர ஜெயரத்னவும் இலஞ்ச ஆணைக்குழுவின் முன் ஆஜராகுமாறு அறிவிக்கப்பட்டுள்ளதாகத் தெரிவிக்கப்பட்டுள்ளது.

முன்னாள் ஜனாதிபதி மஹிந்த ராஜபக்ஷவின் ஊடகப் பேச்சாளரும் சட்டத்தரணியுமான மனோஜ் கமகே, மஹிந்த ராஜபக்ஷ இன்று காலை 9 மணிக்கு இலஞ்ச ஆணைக்குழுவின் முன் ஆஜராக உள்ளார் என்று தெரிவித்தார்.

இருப்பினும், சில சட்ட விஷயங்கள் தொடர்பாக சட்டத்தரணிகள் குழுவின் முன் கலந்துரையாடல்கள் நடத்தப்பட உள்ளதாகவும் அவர் மேலும் தெரிவித்தார்.

சட்டதரணி மனோஜ் கமகே கூறுகையில், மறைந்த முன்னாள் ஸ்ரீலங்கன் தலைமைச் செயல் அதிகாரி கபில சந்திரசேனா அளித்த வாக்குமூலத்தின் அடிப்படையில் முன்னாள் ஜனாதிபதிக்கு அழைப்பாணை விடுக்கப்பட்டுள்ளது என்றும், ஆனால், தன்னை மிரட்டியும் கட்டாயப்படுத்தியும் அந்த வாக்குமூலம் பெறப்பட்டதாக அவர் நீதிமன்றத்தில் பிரமாணப் பத்திரம் தாக்கல் செய்துள்ளார் என்றும், மேலும் அந்த உண்மைகளின் அடிப்படையில் இந்த அழைப்பாணை விடுக்கப்பட்டிருந்தால் அது சட்டவிரோதமானது என்றும் தெரிவித்தார்.