சில பகுதிகளில் விசேட சுற்றிவளைப்பு ; 457 பேர் கைது

காலி, மாத்தறை மற்றும் எல்பிட்டிய பொலிஸ் பிரிவுகளில் நேற்று (05) நடத்தப்பட்ட விசேட சுற்றிவளைப்பு நடவடிக்கையில் 457 சந்தேக நபர்கள் கைது செய்யப்பட்டுள்ளனர்.

இந்த நடவடிக்கையின் போது 28 மோட்டார் சைக்கிள்கள் உட்பட , 77 வாகனங்கள் பொலிஸாரால் பறிமுதல் செய்யப்பட்டன.

இந்த சுற்றிவளைப்பில் 1,365 வாகனங்கள் ஆய்வு செய்யப்பட்டதாகவும், 3,288 நபர்கள் பரிசோதிக்கப்பட்டதாகவும் பொலிஸார் தெரிவித்தனர்.

இந்த நடவடிக்கையில் பொலிஸ் அதிகாரிகள், பொலிஸ் சிறப்பு அதிரடிப்படை மற்றும் முப்படைகளின் உறுப்பினர்கள் உட்பட 1,584 பாதுகாப்புப் பணியாளர்கள் ஈடுபட்டனர்.