முதலாமிடத்துக்கு முன்னேறிய ஹரி ப்றூக்

சர்வதேச கிரிக்கெட் சபையின் டெஸ்ட் போட்டிகளுக்கான துடுப்பாட்டவீரர்களுக்கான தரவரிசையில் முதலாமிடத்துக்கு இங்கிலாந்தின் ஹரி ப்றூக் முன்னேறியுள்ளார்.

இந்தியாவுக்கெதிரான இரண்டாவது டெஸ்டில் 181 ஓட்டங்களைப் பெற்றமையைத் தொடர்ந்தே தரவரிசையில் இரண்டாமிடத்திலிருந்து ஓரிடம் முன்னேறி முதலாமிடத்தை அடைந்துள்ளார்.

இப்போட்டியில் 430 ஓட்டங்களைப் பெற்ற இந்தியாவின் அணித்தலைவர் ஷுப்மன் கில் 21ஆம் இடத்திலிருந்து 15 இடங்கள் முன்னேறி ஆறாமிடத்தையடைந்துள்ளார்.

இதேவேளை குறித்த போட்டியில் 272 ஓட்டங்களைப் பெற்ற இங்கிலாந்தின் ஜேமி ஸ்மித், 26ஆம் இடத்திலிருந்து 16 இடங்கள் முன்னேறி 10ஆம் இடத்தை அடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ஹரி ப்றூக், 2. ஜோ றூட், 3. கேன் வில்லியம்சன், 4. யஷஸ்வி ஜைஸ்வால், 5. ஸ்டீவ் ஸ்மித், 6. ஷுப்மன் கில், 7. தெம்பா பவுமா, றிஷப் பண்ட், 9. கமிந்து மென்டிஸ், 10. ஜேமி ஸ்மித்.