ஜா-எலவில் நொடிப்பொழுதில் தவிர்க்கப்பட்ட ரயில் விபத்து !

ஜா-எல ரயில் கடவையில், நொடிப்பொழுதில் பாரிய விபத்து ஒன்று தவிர்க்கப்பட்ட சம்பவம் நேற்று இரவு பதிவாகியுள்ளது.

நேற்று இரவு 7.30 மணியளவில், ஜா-எல ரயில் கடவையிலிருந்து மினுவாங்கொட நோக்கிச் சென்ற ஒரு வேன், ரயில் தண்டவாளத்தில் சிக்கிக் கொண்டுள்ளது.

வேனின் ஒரு சக்கரம் தண்டவாளத்தில் சிக்கிய நிலையில், அதனை வெளியே எடுக்க முடியாமல் ஓட்டுநரும் அருகிலிருந்தவர்களும் பெரும் முயற்சி மேற்கொண்டுள்ளனர்.

அந்த நேரத்தில், கொழும்பிலிருந்து நீர்கொழும்பு நோக்கிச் சென்ற ரயில், அதே இடத்தை வேகமாக நெருங்கி வந்துள்ளது.

இந்நிலையில், வேனுக்கு அருகில் நின்ற ஒருவர் உடனடியாக ரயில் பாதையில் முன்னோக்கி ஓடி, ரயில் ஓட்டுநருக்கு எச்சரிக்கை சமிக்ஞை வழங்கியுள்ளார்.

அந்த சமிக்ஞையை கவனித்த ரயில் ஓட்டுநர், உடனடியாக ரயிலின் வேகத்தை குறைத்து, ரயிலை நிறுத்தியுள்ளார்.

இதன் விளைவாக, நொடிப்பொழுதில் ஒரு பெரும் விபத்து தவிர்க்கப்பட்டுள்ளது.

இந்த சம்பவம், ரயில் கடவைகளில் அதிக கவனம் மற்றும் பாதுகாப்பு அவசியம் என்பதைக் மீண்டும் ஒருமுறை எடுத்துக்காட்டுகிறது.