உலக சந்தையில் கச்சா எண்ணெய் விலை சரிவு

உலக சந்தையில் கச்சா எண்ணெய் விலைகள் கணிசமாகக் குறைந்துள்ளதாக தகவல்கள் வெளியாகியுள்ளன.

அதன்படி, ஒரு பேரல் WTI கச்சா எண்ணெயின் விலை 4.42 சதவீதம் குறைந்து, 88.27 அமெரிக்க டாலராக பதிவாகியுள்ளது.

மேலும், ஒரு பேரல் பிரென்ட் கச்சா எண்ணெயின் விலை 5.41 சதவீதம் குறைந்து, 98.84 அமெரிக்க டாலராக உள்ளது.

இதேவேளை, இலங்கைக்கு இறக்குமதி செய்யப்படும் முர்பான் கச்சா எண்ணெயின் விலை ஒரு பேரலுக்கு 119.88 அமெரிக்க டாலராக காணப்படுகிறது. இது முந்தைய விலையுடன் ஒப்பிடுகையில் 11.31 சதவீதக் குறைவாகும் என வெளிநாட்டு ஊடகங்கள் தெரிவிக்கின்றன.

சர்வதேச சந்தை மாற்றங்கள் காரணமாக இந்த விலைச் சரிவு ஏற்பட்டுள்ளதாக பொருளாதார வட்டாரங்கள் குறிப்பிடுகின்றன.