சிரேஷ்ட பொலிஸ் அத்தியட்சகர் சதீஷ் கமகே 19 வரை விளக்கமறியல் உத்தரவு

லஞ்ச ஒழிப்பு ஆணைக்குழுவால் கைது செய்யப்பட்ட சிரேஷ்ட பொலிஸ் அத்தியட்சகர் சதீஷ் கமகேவை எதிர்வரும் 19 ஆம் திகதி வரை விளக்கமறியலில் வைக்க கொழும்பு நீதவான் நீதிமன்றம் உத்தரவிட்டது.

லஞ்ச ஒழிப்பு ஆணைக்குழு அதிகாரிகள் மற்றும் பிரதிவாதிகள் தரப்பு வழக்கறிஞர்கள் முன்வைத்த வாதங்களை பரிசீலித்த பின்னர் கொழும்பு மேலதிக நீதிமன்ற நீதிபதி பவித்ரா சஞ்சீவனி பத்திரண இந்த உத்தரவை பிறப்பித்தார்.

சந்தேக நபர் லஞ்சம் பெற்றமை மற்றும் பணமோசடி செய்தமை, காலி மற்றும் எம்பிலிப்பிட்டிய பொலிஸ் பிரிவுகளுக்கு பொறுப்பான போலீஸ் அத்தியட்சகராக பணியாற்றியபோது வேறொரு நபரின் பெயரில் மூன்று தனியார் வங்கிகளில் மூன்று கணக்குகளைத் திறந்தமை, ஒழுங்கமைக்கப்பட்ட குற்றவாளிகள், சேவைகளைப் பெற பொலிஸ் நிலையத்திற்கு வருபவர்கள் மற்றும் அந்தக் கணக்குகளில் பிற குற்றவாளிகளிடமிருந்து சுமார் ஒன்றரை மில்லியன் ரூபாய் லஞ்சம் பெற்றமை ஆகிய குற்றச்சாட்டுகளின் பேரில் கைது செய்யப்பட்டு நீதிமன்றத்தில் ஆஜர்படுத்தப்பட்டார்.