2025 ஆம் ஆண்டின் முதல் 6 மாதங்களில் இலங்கை விமான நிலைய அதிகாரசபை 78% வருமானத்தை ஈட்டியுள்ளது

கடந்த ஆண்டுடன் ஒப்பிடும் பொழுது, இந்த ஆண்டின் முதல் 6 மாதங்களில் பண்டாரநாயக்க சர்வதேச விமான நிலையத்தின் வருமானம் 78 வீதம் வரை உயர்ந்துள்ளது.

2024 ஆம் ஆண்டின் முதல் 6 மாதங்களில் செயல்பாட்டு இலாபம் ரூ. 9049 மில்லியனாகவும், 2025 ஆம் ஆண்டின் முதல் 6 மாதங்களில் செயல்பாட்டு இலாபம் ரூ. 16,133 மில்லியனாகவும் பதிவாகியுள்ளது.​

இதேவேளை, 2025 ஆம் ஆண்டின் முதல் 6 மாதங்களில் 32,423 விமானப் போக்குவரத்து சேவைகள் நிறைவடைந்துள்ளன, எதிர்வரும் சுற்றுலாப் பருவத்தின் ஆரம்பம் முதல் இதனை குறிப்பிடத்தக்களவு அதிகரிப்பதே விமான நிலைய அதிகார சபையின் எதிர்பார்ப்பாகும்.

போக்குவரத்து, நெடுஞ்சாலைகள், துறைமுகங்கள் மற்றும் சிவில் விமான சேவைகள் அமைச்சு.