டி20 உலகக் கிண்ணம் : நெதர்லாந்து அணி அபார வெற்றி!

பத்தாவது ஐசிசி ஆடவர் T20 உலகக் கிண்ண கிரிக்கெட் தொடரில் நெதர்லாந்து மற்றும் நமீபியா அணிகளுக்கு இடையில் இன்று (09) நடைபெற்ற போட்டியில் நெதர்லாந்து அணி 07 விக்கெட்டுகள் வித்தியாசத்தில் வெற்றி பெற்றது.

டெல்லியில்நடைபெற்ற இப்போட்டியில் நாணயச் சுழற்சியில் வெற்றி பெற்ற நெதர்லாந்து அணி முதலில் களத்தடுப்பில் ஈடுபட தீர்மானித்துள்ளது.

அதற்கமைய முதலில் துடுப்பாடிய நமீபியா அணி நிர்ணயிக்கப்பட்ட 20 ஓவர்கள் நிறைவில் 7 விக்கெட்டுக்களை இழந்து 156 ஓட்டங்களைப் பெற்றுக் கொண்டது.

நமீபியா அணி சார்பில் ஜான் நிக்கோல் லோஃப்டி ஈடன் (Nicol Loftie-Eaton)
அதிகபட்சமாக 42 ஓட்டங்களை பெற்றார்.

பந்து வீச்சில் நெதர்லாந்து அணி சார்பாக லோகன் வான் பீக் (Logan van Beek) மற்றும் பாஸ் டி லீட் (Bas de Leede) ஆகியோர் தலா 2 விக்கெட்டுகளை கைப்பற்றினர்.

இந்நிலையில் 157 ஓட்டங்கள் என்ற வெற்றி இலக்கை நோக்கி துடுப்பெடுத்தாடிய நெதர்லாந்து அணி 18 ஓவர்கள் நிறைவில் 3 விக்கெட்டுகள் இழப்பிற்கு 159 ஓட்டங்களை பெற்று வெற்றி பெற்றது.

நெதர்லாந்து அணி சார்பில் பாஸ் டி லீட் (Bas de Leede) அதிகபட்சமாக 72 ஓட்டங்களை பெற்றார்.

பந்து வீச்சில் நமீபியா அணி சார்பாக பெர்னார்ட் ஷோல்ட்ஸ், ரூபன் டிரம்பல்மேன் மற்றும் ஜான் நிக்கோல் லோஃப்டி ஈடன் ஆகியோர் தலா 1 விக்கெட்டு வீதம் பெற்று கொடுத்தனர்.