யாழ்ப்பாணத்தில் தமிழ் அரசியல்வாதிகளை கண்டித்து போராட்டம்

யாழ்ப்பாணம், வெறுப்பு பேச்சுக்களை முன்வைக்கும் தமிழ் பாராளுமன்ற உறுப்பினர்கள் மற்றும் அரசியல்வாதிகளுக்கு எதிராக இன்று (23) போராட்டம் ஒன்று நடைபெற்றது.

நல்லூர் கந்தசுவாமி கோவில் அருகில் இன்று காலை ஒன்றுகூடிய போராட்டக்காரர்கள், இனவாதம், பிரதேசவாதம் மற்றும் சாதி அடிப்படையிலான கருத்துக்களை வெளியிடும் அரசியல்வாதிகளுக்கு எதிராக கோஷங்களை எழுப்பினர்.

இதன்போது கருத்து தெரிவித்த அவர்கள், சமூக ஒற்றுமை, ஜனநாயக மதிப்புகள் மற்றும் மக்களின் பாதுகாப்பை நிலைநிறுத்த வேண்டிய பொறுப்பில் உள்ள அரசியல் பிரதிநிதிகள் சமீபத்தில் வெளியிட்ட கருத்துக்கள் குறித்து ஆழ்ந்த கவலையும் கடுமையான கண்டனமும் வெளியிட்டனர்.

ஒரு குறிப்பிட்ட சமூகத்தை இழிவுபடுத்தும் வகையிலான வெறுப்பு பேச்சுக்கள் எந்த நிலையிலும் ஏற்றுக்கொள்ள முடியாதவை என்றும், அவை சமூக நல்லிணக்கத்தையும் பரஸ்பர நம்பிக்கையையும் பாதிப்பதோடு, இன மற்றும் பிரதேச பிளவுகளை தீவிரப்படுத்துவதாகவும் போராட்டக்காரர்கள் தெரிவிக்கின்றனர்.

மேலும், மக்களின் வாக்குகளால் தேர்ந்தெடுக்கப்பட்ட அரசியல்வாதிகள் பொறுப்புணர்வுடன் நடந்து கொள்ள வேண்டும், மக்களின் பிரச்சினைகளை நாகரீகமான முறையில் முன்வைக்க வேண்டும், என்றும் வெறுப்பு மற்றும் பிரிவினை உணர்வுகளைத் தூண்டும் உரைகள் அரசியல் பொறுப்பின் வெளிப்பாடாகும் என்றும் அவர்கள் சுட்டிக்காட்டினர்.

மேலும், இனம், மொழி, பிரதேச அடிப்படையிலான வெறுப்பு பேச்சுக்களைத் தடுக்க வலுவான பாராளுமன்ற நடைமுறைகள் கொண்டு வரப்பட வேண்டும் என்றும், அரசியல் கட்சிகள் தங்களது உள்கட்டமைப்பு ஒழுக்க விதிகளில் அதற்கான தெளிவான வழிகாட்டுதல்களை இணைக்க வேண்டும் என்றும் வலியுறுத்தினர்.

பிரதீபன்