காலி கடற்பகுதியில் நடுக்கடலில் உயிரிழந்த மீனவரின் உடல் கரைக்கு கொண்டு வரப்பட்டது

காலி மீன்பிடி துறைமுகத்தில் இருந்து பல நாள் மீன்பிடி படகில் மீன்பிடிக்குச் சென்ற மீனவர் நேற்று முன்தினம் காலை சுமார் 180 கடல் மைல் தொலைவில் உள்ள ஆழ்கடலில் திடீர் உடல்நலக்குறைவு காரணமாக உயிரிழந்ததாக காலி துறைமுக போலீசார் தெரிவித்தனர்.

06 மீனவர்களுடன் மீன்பிடிக்க புறப்பட்ட இந்த பல நாள் படகில் இருந்த ஒருவர் திடீர் மாரடைப்பால் உயிரிழந்து விட்டதாக காலி துறைமுக கட்டுப்பாட்டு அறைக்கு தகவல் கிடைக்கப்பெற்றது.

பலப்பிட்டிய பகுதியைச் சேர்ந்த 58 வயதுடைய மீனவரே இவ்வாறு உயிரிழந்துள்ளார்.

உயிரிழந்தவரின் உடல் கொண்டுவந்த படகு நேற்று பிற்பகல் காலி மீன்பிடி துறைமுகத்தை வந்தடைந்தது.

சம்பவம் தொடர்பில் காலி துறைமுக போலீசார் மேலதிக விசாரணைகளை மேற்கொண்டு வருகின்றனர்.