இன்று முதல் வாகன இலக்கத் தகட்டின் கடைசி இலக்கத்தின் அடிப்படையில் எரிபொருளை விநியோகம் – இலங்கை பெட்ரோலிய கூட்டுத்தாபனம்

இலங்கை பெட்ரோலிய கூட்டுத்தாபனம் இன்று முதல் வாகன இலக்கத் தகட்டின் கடைசி இலக்கத்தின் அடிப்படையில் எரிபொருளை விநியோகிக்கத் திட்டமிட்டுள்ளது.

அண்மைக் காலமாக கொள்வனவு தொடர்பான தாமதங்கள் காரணமாக பல புதிய வாகனங்களுக்கு உத்தியோகபூர்வ இலக்கத் தகடுகள் வழங்கப்படவில்லை.

இதனால் தற்காலிக அல்லது உத்தியோகபூர்வமற்ற தகடுகளைப் பயன்படுத்தும் வாகன உரிமையாளர்கள், எரிபொருளைப் பெறும்போது செல்லுபடியாகும் ஆவணங்களைச் சமர்ப்பிக்க வேண்டும்.

வாகனத்தின் அடையாளத்தை உறுதிப்படுத்த பின்வரும் ஆவணங்களில் ஒன்றைச் சமர்ப்பிக்குமாறு கோரப்பட்டுள்ளது:

வருமான வரி அனுமதிப்பத்திரம் (Revenue Licence)

பதிவுச் சான்றிதழ் (Certificate of Registration)

காப்புறுதிச் சான்றிதழ் (Insurance Certificate)

புகைப்பரிசோதனை சான்றிதழ் (Emission Test Certificate)

புதிய வாகனங்களுக்கு நிரந்தர இலக்கத் தகடுகள் கிடைப்பதில் ஏற்பட்டுள்ள சிக்கலால், எரிபொருள் வரிசையில் குழப்பங்களைத் தவிர்க்கவும், முறையான விநியோகத்தை உறுதிப்படுத்தவும் இந்தத் தீர்மானம் எடுக்கப்பட்டுள்ளது.