ஆணுறை விலை அதிகரிப்பு

உலகின் மிகப்பெரிய ஆணுறை உற்பத்தியாளரான மலேசியாவைச் சேர்ந்த கரெக்ஸ் பிஎச்டி நிறுவனம், தனது தயாரிப்புகளின் விலைகளை 20% முதல் 30% வரை உயர்த்தத் திட்டமிட்டுள்ளதாகத் தெரிவித்துள்ளது.

ஈரான் போரால் உலகளாவிய விநியோகச் சங்கிலியில் ஏற்பட்டுள்ள தடைகள் நீடித்தால், இவ்விலைகள் மேலும் அதிகரிக்கக்கூடும் என நிறுவனத்தின் தலைமைச் செயல் அதிகாரி கோ மியா கியாட் குறிப்பிட்டுள்ளார்.

அதிகரித்து வரும் கப்பல் போக்குவரத்து செலவுகள் மற்றும் போக்குவரத்துத் தாமதங்கள் காரணமாக, பல வாடிக்கையாளர்களிடம் வழக்கத்தை விட குறைவான கையிருப்புகள் காணப்படுகின்றன. இதன் விளைவாக, ஆணுறைகளுக்கான உலகளாவிய தேவை உயர்ந்துள்ளதாகவும் அவர் தெரிவித்துள்ளார்.