349 கடல் அட்டைகளுடன் நான்கு பேர் கைது

இலங்கை கடற்படையினர் 2026 மார்ச் 27 ஆம் திகதி மன்னார் வங்காலை கடல் பகுதியில் நடத்திய சிறப்பு தேடுதல் நடவடிக்கையின் போது, சட்டவிரோதமாக இரவு நேர சுழியோடி நடவடிக்கையில் ஈடுபட்ட நான்கு நபர்களையும், 349 கடல் அட்டைகளையும், சுழியோடி உபகரணங்களையும் கைப்பற்றியுள்ளனர்.

வட மத்திய கடற்படை கட்டளையின் புஸ்ஸதேவ கப்பல் மூலம் மேற்கொள்ளப்பட்ட இந்த சிறப்புத் தேடுதல் நடவடிக்கை வெற்றிகரமாக நடந்தது.

கைப்பற்றப்பட்ட சந்தேக நபர்கள் மன்னார் வங்காலை பகுதியைச் சேர்ந்தவர்கள் என அடையாளம் காணப்பட்டுள்ளனர். இவர்களின் வயது 26 முதல் 40 வரையிலாகும்.

சந்தேக நபர்கள், கடல் அட்டைகள் மற்றும் சுழியோடி உபகரணங்கள் மேலதிக சட்ட நடவடிக்கைக்காக மன்னார் மீன்வள ஆய்வாளரிடம் ஒப்படைக்கப்பட்டுள்ளன.