சட்டவிரோத போதைப்பொருள் ஒழிப்பு ; பொலிஸ் பொறுப்பதிகாரிகளுடன் பொதுமக்கள் நேரடி தொடர்பு திட்டம் நாடளாவிய ரீதியில் அறிமுகம்
சட்டவிரோத போதைப்பொருள் விநியோகத்தை கட்டுப்படுத்தும் நோக்கில், பிரதேச பொலிஸ் நிலைய பொறுப்பதிகாரிகளுக்கு பொதுமக்கள் நேரடியாக தகவல்களை வழங்குவதற்கான விசேட திட்டம் நாடளாவிய ரீதியில் அறிமுகப்படுத்தப்பட்டுள்ளதாக பொலிஸார் தெரிவித்துள்ளனர்.
ஹெரோயின், ஐஸ், கொக்கெயின் மற்றும் கஞ்சா உள்ளிட்ட சட்டவிரோத போதைப்பொருட்களை குறிவைத்து, உளவுத்துறை தலைமையிலான நடவடிக்கைகளை மேலும் வலுப்படுத்துவதே இத்திட்டத்தின் பிரதான நோக்கம் என தெரிவிக்கப்பட்டுள்ளது.
இதற்காக வழங்கப்பட்டுள்ள துரித தொலைபேசி எண்கள் ஊடாக, பொதுமக்கள் தங்களிடம் உள்ள நம்பகமான தகவல்களை நேரடியாக தொடர்புடைய பிரதேச பொலிஸ் நிலைய பொறுப்பதிகாரிகளுக்கு அறிவிக்க முடியும் என பொலிஸார் கூறினர்.
அதன்படி, ஒவ்வொரு பொலிஸ் பிரிவுக்கும் வெளியிடப்பட்டுள்ள தொலைபேசி எண்களை பயன்படுத்தி, துல்லியமான மற்றும் நம்பகமான தகவல்களை வழங்குமாறு பொதுமக்கள் ஊக்குவிக்கப்படுகின்றனர்.
மேலும், தகவல் வழங்குபவர்களின் அடையாளங்கள் பதிவு செய்யப்படுவதுடன், வழங்கப்படும் அனைத்து தகவல்களும் முழுமையாக இரகசியமாக பாதுகாக்கப்படும் என்றும், தொழில்முறை முறையில் கையாளப்படும் என்றும் பொலிஸார் உறுதியளித்துள்ளனர்.
