வடக்கு மாகாண ஆசிரியர்கள் போராட்டம்

வடக்கு மாகாணத்தில் ஆசிரியர்களின் இடமாற்றம் தொடர்பான கோரிக்கைகளை மாகாண கல்வித்திணைக்களம் பரிசீலனை செய்ய மறுத்து, மீண்டும் ஒரே ஆசிரியர்களுக்கே இடமாற்றம் வழங்குவதற்குத் தீர்மானித்துள்ளதாக இன்று (26) நடைபெறுகையில் வடக்கு மாகாண பொதுச்சேவைகள் ஆணைக்குழுவின் முன்னிலையில் தெரிவித்தனர்.

இதில் கலந்து கொண்ட ஆசிரியர்கள், பலர் பதாதைகளைத் தாங்கி கோசம் எழுப்பினர். சிலர், ஏற்கனவே கஷ்டப் பிரதேசங்களில் பணியாற்றி வந்தவர்கள், குடும்ப சூழல் காரணமாக தூர் இடங்களுக்கு செல்ல முடியாதவர்கள் மற்றும் நோய்வாய்ப்பட்டவர்கள் என தங்கள் பிரச்சினைகளை விவரித்தனர்.

ஆசிரியர்கள் தெரிவித்ததாவது, தங்கள் மேல்முறையீடுகள் மாகாண கல்வித்திணைக்களம் மூலம் பொதுச்சேவைகள் ஆணைக்குழுவிற்கு அனுப்பப்படவில்லை என்பதாகும். இதனைத் தொடர்ந்து, ஆசிரியர் சங்கத்தைச் சேர்ந்த சிலர் ஆணைக்குழு செயலாளர் ஆழ்வார்பிள்ளை ஸ்ரீ அவர்களை சந்தித்தனர்.

அவர்களின் பதில், “மகாண கல்வித்திணைக்களம் மூலம் எந்த மேல்மறையும் அனுப்பப்படவில்லை; அனுப்பப்பட்டால் மட்டுமே பரிசீலனை செய்ய முடியும்” எனும் விளக்கத்துடன் இருந்தது என இலங்கை ஆசிரியர் சங்கத்தின் உப செயலாளர் தீபன் திலீசன் ஊடகங்களுக்கு தெரிவித்தார்.

இதன் பின்னர், ஆசிரியர்கள் வடக்கு மாகாண ஆளுநர் அலுவலகம் முன்னிலையில் போராட்டத்தை முன்னெடுத்தனர்.

அவர்கள், தங்கள் மேல்முறையீடுகள் பரிசீலிக்கப்பட்டு தேர்வு வழங்கப்படும் வரை தற்போதைய பாடசாலைகளில் பணியாற்ற அனுமதி வழங்கப்பட வேண்டும் என்றும், இல்லாவிடில் போராட்டங்களை பல்வேறு வடிவங்களில் தொடர்வதாகவும் தெரிவித்தனர்.

பிரதீபன்